InicioPolíticaBurela Sempre reclamará que se repitan as votacións nunha mesa do Perdouro

Burela Sempre reclamará que se repitan as votacións nunha mesa do Perdouro

A reclamación prolonga a incerteza sobre o mapa político municipal, pois o terceiro edil do BNG e o primeiro do partido de Manuel Martínez depende dun só voto

Publicada o

- Advertisement -

Burela Sempre pedirá que se repitan as votacións do pasado domingo nunha mesa do Perdouro. O candidato do partido, Carlos Peinó, adiantou que trasladarán esta petición á Xunta Electoral Zonal (XEZ) de Mondoñedo, despois de que no reconto xeral realizado ao longo deste mércores “non aparecesen” sete votos nulos.

O recurso do partido fundado por Manuel Martínez prolongará a incerteza sobre o escenario político do municipio, que se definiu por un só voto. Os resultados do pasado domingo asignaron seis edís ao Partido Socialista de Galicia (PSdG), catro ao Partido Popular (PP) e tres ao Bloque Nacionalista Galego (BNG).

Os nacionalistas precisaron 271 sufraxios para sumar o terceiro concelleiro, os mesmos que recibiu Burela Sempre. O “empate” desfíxose a favor da formación nacionalista por ser a que obtivo máis votos totais, pero unha varianza mínima podería modificar a aritmética da corporación municipal.

PRAZOS

Despois de que a presentación do recurso se formalice, a XEZ ten dous días de prazo para resolver a reclamación. Segundo a lei electoral, os resultados deben ser proclamados oficialmente nos catorce días posteriores as votacións.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...