Un incendio nun alpendre alertou na madrugada deste xoves aos veciños próximos á rúa Sieiro, en Foz.

Alertados polas explosións no interior do recinto, anexo a unha vivenda, arredor das 3.00 horas, advertiron ao 112 Galicia que mobilizou aos Bombeiros de Barreiros, que interviron para sufocar o lume.

MAQUINARIA E APEIROS CALCINADOS

Segundo confirmou o 112, o incendio calcinou por completo un alpendre e varios obxetos -maquinaria, ferramentas, apeiros e bombonas de gas- que se almaceban no seu interior.

Ademais dos Bombeiros de Barreiros, recibiron aviso do Centro Integrado de Atención ás Emerxencias (CIAE) Urxencias Sanitarias de Galicia-061, os efectivos de Garda Civil e membros do GES de Cervo.