O Goberno central anunciou este luns que prevé finalizar “en xaneiro de 2020” as obras de reforma nos apeadoiros de Foz, Cangas, Nois, Covas e Viveiro, por un importe próximo aos 374.000 euros.
A subdelegada do Goberno central, Isabel Rodríguez, e o alcalde de Foz, Fran Cajoto, revisaron este luns as obras de mellora que está a executar Renfe no apeadoiro focego. Estiveron acompañados polo xerente do Servizo Público e Ancho Métrico da Cornixa Cantábrica, Javier González Villoria, e polo concelleiro de turismo e actividades económicas, Chema Linares.
A empresa pública ferroviaria comezou as actuacións no pasado mes de agosto. Segundo expón o Executivo central, as obras permitirán “mellorar a accesibilidade das estacións mediante o recrecido de andéns con novo solado para adaptar á altura da plataforma do tren. Por outro lado, mellorarase a eficiencia enerxética coa instalación de alumeado LED, cambiarase a señalética e substituiranse as varandas onde sexa preciso.
CAMBIO DAS MARQUESIÑAS
Nos apeadeiros de Nois e Cangas de Foz cambiaranse as actuais marquesiñas, xa deterioradas, seguindo o modelo doutras estacións da rede.