InicioEconomíaOs traballadores de Muebles Hermida cobran medio mes de agosto xusto antes...

Os traballadores de Muebles Hermida cobran medio mes de agosto xusto antes do Nadal

Os 97 empregados da empresa laurentina tiveron así un pequeno respiro nunhas datas que se presentan complicadas pola incerteza e polos impagos

Publicada o

- Advertisement -

Os traballadores de Muebles Hermida cobraron este martes medio mes -o de agosto-, dos catro que lles adebeda a empresa de Lourenzá, que solicitou o concurso voluntario de acredores pola súa situación económica.

Os 97 empregados da empresa laurentina tiveron así un pequeno respiro nun Nadal que se presenta complicado. O administrador concursal comprometerase a desbloquear o pago dese medio mes, que asumirá Muebles Hermida, e tramitou as solicitudes dos obreiros ao Fondo de Garantía Social (Fogasa) para cobrar os salarios de setembro, outubro e novembro.

O mes de decembro, segundo concretou o presidente do comité de empresa, Manolo Franco, meterase para xaneiro, o que completaría o tope máximo de 120 días que paga este organismo adscrito ao Ministerio de Traballo.

Á ESPERA DO INFORME DO ADMINISTRADOR CONCURSAL

O persoal segue pendente de elaboración do informe pertinente por parte do administrador concursal, que marcará o devir da empresa. Os empregados seguen crendo que unha venta é a mellor das posibilidades.

A Xunta de Galicia, que achegou subvencións a Muebles Hermida a través do Instituto Galego de Promoción Económica (Igape), descarta mediar para corrixir o rumbo da empresa, tal e como pediron as tres formacións da corporación laurentina –PSdeG-PSOE, PP e BNG– ou partidos como En Marea.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...