O Consello de Ministros do Goberno central aprobou este martes un plan social contra os efectos do coronavirus que amplía o paquete de medidas económicas aprobadas trece días atrás.

O Real Decreto-Lei aproba axudas e suspende desafiuzamentos de aluguer seis meses tras o fin de estado de alarma, amplía a 90 días a moratoria hipotecaria e estende a medida a todo tipo de préstamos, permite a moratoria do pago das cotizacións de autónomos durante un semestre e dá luz verde a un subsidio para as empregadas do fogar dadas de alta despedidas ou que non poidan traballar. Tamén se permitirá retirar aforro dos seus plans de pensións aos desempregados pola Covid-19 e darase un subsidio de 430 euros a temporais que queden en paro durante o estado de alarma. O Goberno traballa ademais nunha renda mínima vital que beneficiaría a máis de cinco millóns de cidadáns. Podes consultar a información ao detalle no Galicia Confidencial.