InicioCentralBurelaA campaña do bonito chega ao 50% nun ano "tranquilo"

A campaña do bonito chega ao 50% nun ano “tranquilo”

A lentitude das capturas permite que os peixes cheguen mellor a porto.

Publicada o

- Advertisement -

A campaña do bonito entrou no ecuador das capturas permitidas pola Unión Europea, xa que, nestes momentos, consumiuse un 50%, mentres que nos dous anos anteriores, a esta altura de tempada, esa porcentaxe situábase por encima do 80%. Tanto é así que en 2021 a campaña pechouse o 14 de agosto.

O patrón maior de Burela, Basilio Otero, destacou que a campaña deste ano “está a ser moito máis tranquila que outros anos”. “Se o ano pasado por estas mesmas datas xa levabamos o 80% capturado, este ano estamos no 50%”. Ante esta situación, asegurou que se atopan “máis esperanzados de que a campaña sexa un pouco máis longa, máis tranquila e non haxa tanto peixe en tan curto período de tempo”.

“Se imos a este ritmo durará todo agosto e esperemos que unha parte de setembro. Todo depende de cando se empeza a pescar con cebo vivo, que son os que máis consomen”, precisou. Así mesmo, Basilio Otero acreditou “a boa calidade” do bonito, que xustificou porque “ao pescar menos mázase e o peixe vén moito mellor”. “Estes dous últimos anos foron unha excepción, tanta calidade e axiña que non era normal”, secundou.

O patrón burelao puntualizou finalmente que se apuntaron á costeira do bonito deste ano “sobre 500 embarcacións”, aínda que “de pesca real como moito son sobre 300 barcos”.

Please wait while you are redirected...or Click Here if you do not want to wait.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...