InicioCentralBurelaO BNG de Burela critica a improvisación do goberno local ante os...

O BNG de Burela critica a improvisación do goberno local ante os cambios de sentido en varias rúas da localidade

O voceiro do BNG burelés, Mario Pillado, sinalou que as medidas en canto Urbanismo "non responden á planificación nin á previsión, mais ben todo o contrario".

Publicada o

- Advertisement -

O voceiro do BNG en Burela, Mario Pillado, sinalou que as medidas de actuación do Concello sobre Urbanismo, Mobilidade e Humanización así como en materia de Memoria Histórica.

Mario Pillado sinalou que as medidas en canto Urbanismo “non responden á planificación nin á previsión, mais ben todo o contrario. Levamos anos reclamando un Plan de Urbanismo, Mobilidade e Humanización; facémolo cada ano no debate orzamentario e sobre o Plan Único, posto que cremos que é a mellor forma para desenvolver o PXOM, aínda coas modificacións que precise o mesmo”.

Continuou Pillado dicindo que “o que percibimos como resposta é a improvisación e ó ir facendo tan característico do señor Llano. Por outra banda, xa solicitamos acceso ós informes nos que se baseou esta modificación de tráfico, para saber que criterios se seguiron para a mesma”.

MEMORIA HISTÓRICA

Noutra orde de cousas, Pillado indicou que “seguimos pendentes da creación da Comisión de Memoria Histórica que foi un acordo plenario ata en dúas ocasións e para a que non hai impedimento obxectivo ningún, posto que xa foi elexida cronista oficial, que era no que se escudaba o alcalde. É recoñecido o noso interese por mudar o nome da rúa Eijo Garay e a retirada do título de fillo adoptivo, e parécenos unha boa oportunidade se o obxectivo é darlle unha volta a nivel urbanístico á nosa vila. Para nós a ferramenta axeitada para esa modificación é esta comisión.”

Para finalizar, o voceiro do BNG sinalou que “tamén lle insistimos ó señor alcalde en que debe continuar coas negociacións co grupo propietario do inmoble ubicado na antiga fábrica de Gres, para acadar un convenio que sexa satisfactorio para ambas partes”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...