IniciosociedadeO acusado de violar unha moza de Burela alega que as relacións...

O acusado de violar unha moza de Burela alega que as relacións foron “consentidas”

O xuízo comezou este martes na Sección segunda da Audiencia Provincial de Lugo, con atraso por parte do procesado.

Publicada o

- Advertisement -

O acusado de violar presuntamente unha moza no municipio de Burela nega os feitos e asegura que as relacións foron “consentidas”. O xuízo comezou este martes na Sección segunda da Audiencia Provincial de Lugo, con atraso por parte do procesado, o que levou, mesmo, a dubidar da súa participación.

Finalmente, un leve “atraso”, segundo aclarou a súa avogada, obrigou a este mozo a non poder comparecer ás 10,00 horas, hora sinalada para o inicio da vista oral. Segundo o escrito da Fiscalía de Lugo, os feitos remóntanse ao 14 de abril de 2021, cando o acusado se atopou pola rúa coa vítima e, tras uns minutos de conversación, “ambos se dirixiron camiñando ao domicilio do procesado en Burela”.

Unha vez na casa, a muller sentou na cama do home e comezou a utilizar o seu teléfono móbil. O acusado desvestiuse e “colocouse xunto a ela na cama, dicíndolle que lle gustaba e comezando a acariñarlle as pernas e a bicarlle o pescozo”. “Ela díxolle que se sentía incómoda”, recolle o escrito fiscal.

A pesar diso el penetrouna, mentres a muller se queixaba “dicíndolle que lle doía”, o que levou ao procesado a obrigala a que lle fixese unha “felación”, engade o relato fiscal. A avogada do acusado, antes de entrar no xuízo, manifestou que o seu cliente “nega os feitos”, para engadir, seguidamente, que este mantén que as relacións foron “consentidas”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...