Un grupo do colectivo de pescadores recreativos do Porto de Burela presentaron este luns no rexistro do Concello 1.500 sinaturas pedíndolle ao alcalde que asine o convenio de colaboración con Portos de Galicia, así como xa fixeron diferentes concellos como o de Cervo, e así poder aumenta-las zonas de pesca no porto.
Na recollida de sinaturas involucrouse ao comercio local, así como os pescadores pois a pesca recreativa trae riqueza para os diferentes segmentos da economía local tan afectada nestes tempos de post pandemia e crise.
Piden que o concello negocie con Portos a ampliación de zonas actualmente prohibidas, e outras permitidas como son o peirao comercial onde se estivo pescando un ano fóra de horas de traballo sen ningún tipo de incidentes, e que, segundo o colectivo de pescadores recreativos, por presións da empresa concesionaria pechouse o acceso a pescadores e poder facer ofrendas e rezos á Virxe do Carme, situada ó fondo do espigón e que tanta devoción ten no pobo.
