InicioCentralFozSeguen aparecendo positivos en Foz polo brote do colexio, "cinco nas últimas...

Seguen aparecendo positivos en Foz polo brote do colexio, “cinco nas últimas horas”

Francisco Cajoto admite "certa preocupación", pero destaca que o brote está controlado.

Publicada o

- Advertisement -

O alcalde de Foz, Fran Cajoto, recoñeceu que existe “certa preocupación” entre os veciños deste municipio mariñán, que a partir de mañá quedará no nivel medio de restricións como consecuencia da incidencia do coronavirus, no seu caso por mor dun foco detectado nun colexio da localidade.

“Apareceron algúns casos máis, en concreto foron detectados outro cinco nas últimas horas”, precisou o alcalde, quen recoñeceu que esta situación tamén preocupa máis aos pais porque afecta os nenos.

Hai unha trintena de casos de Covid-19 confirmados vinculados ao CEIP ‘O Cantel’, o que fixo que subise a incidencia e que o comité clínico tomase a decisión de deixar a Foz a partir deste sábado -día 25 de setembro- no nivel medio de restricións.

O rexedor local confirmou que, afortunadamente, a maioría das persoas contaxiadas están asintomáticas ou cunha sintomatoloxía moi leve. Agora espera que as medidas de precaución adoptadas sirvan para que o brote se “estabilice” e o número de casos “empece a baixar”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...