O claustro do mosteiro de San Salvador acollerá o día 17 deste mes, sábado, a partir das 11 da mañá unha xornada sobre Francisco Fernández del Riego. No evento intervirán grandes coñecedores do escritor laurentino: Manuel Román Ramos, Francisco Domínguez Martínez, Xosé López González, Malores Villanueva Gesteira e Antón Vidal Andión.
Esta actividade, que está organizada polo Concello de Lourenzá e a Asociación Patrimonio Laurentino, ten coma obxectivo conseguir que se lle dedique un Día das Letras Galegas.
A xornada será o primeiro dunha serie de actos sobre a figura de Francisco Fernández del Riego na que se porá o aceno sobra súa vinculación con Lourenzá, a súa actividade galeguista e a súa defensa do idioma galego. Para asistir as xornadas hai que inscribirse previamente a través do teléfono 649.28.17.91 ou do correo electrónicopatrimonio.laurentino@gmail.com.