Unha veterinaria resultou ferida grave ao recibir a cornada dunha vaca mentres realizaba o saneamento do animal no lugar de Seivane, en Mondoñedo.

Segundo informou o CIAE 112 Galicia, os feitos ocorreron sobre as 13,00 horas, recibiu a alerta do suceso a través dos profesionais de Urxencias Sanitarias de Galicia-061, que mobilizaron un helicóptero medicalizado, aínda que, finalmente, a muller ferida foi trasladada nunha ambulancia.

Ademais, o persoal do 112 pediu a intervención dos axentes da Garda Civil, da Policía Local e dos membros da Agrupación de Voluntarios de Protección Civil da localidade.