InicioEconomíaO Concello de Mondoñedo anuncia que a fibra óptica seguirá estendéndose por...

O Concello de Mondoñedo anuncia que a fibra óptica seguirá estendéndose por todo o termo municipal

A instalación de tecnoloxía de banda ancha que comezou a instalarse no casco urbano mindoniense a finais do ano 2019 trala sinatura dun convenio de colaboración con Adamo, continúa polo resto do termo municipal para dar acceso a Internet de alta velocidade.

Publicada o

- Advertisement -

A instalación de fibra óptica continúa a estenderse polo termo municipal de Mondoñedo. Así o explicaron membros do goberno local despois de manter unha reunión con representantes de Adamo e Ibiocom, que informaron que están a deseñar unha nova fase do despregamento desta tecnoloxía.

Os traballos de tendido do cable de fibra óptica para o mes de xuño permitirán dar servizo aos lugares de: O Grobe, Vigo, Santo André, Marquide, A Cabana, A Recadieira, Vilar, Ferrería, A Igrexa, O Casal, Penamoura, A Seara, Outeiro, A Franca, O Campo do Arco, O Souto e Casa Valiña.

A instalación de tecnoloxía de banda ancha que comezou a instalarse no casco urbano mindoniense a finais do ano 2019 trala sinatura dun convenio de colaboración con Adamo, continúa polo resto do termo municipal para dar acceso a Internet de alta velocidade.

Este servizo está a supoñer un salto cualitativo na capacidade e velocidade de acceso á Internet dos fogares e empresas da localidade; “o que, sen lugar a dúbidas, supón un servizo clave para o desenvolvemento social e empresarial do concello”, destacan dende o goberno local.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...