InicioCulturaMúsica e poesía este xoves en Foz, con Ricardo Seixo e o...

Música e poesía este xoves en Foz, con Ricardo Seixo e o grupo Maraxe

A Pomba do Arco convida a asistir a un evento que mesturará poemas e músicas tradicionais

Publicada o

- Advertisement -

A asociación cultural A Pomba do Arco impulsa este xoves un acto poético-musical no que Ricardo Seixo recitará poemas e o grupo Maraxe ofrecerá un concerto. O evento celebrarase na Librería Bahía de Foz, a partir das 20.30 horas. 

Ricardo Seixo presentará pezas do seu último poemario, “Versos noctámbulos. Abracei a noite para bicar o amencer‘, que se combinarán con diferentes pezas musicais interpretadas polo conxunto de música tradicional galega e portuguesa do que tamén fai parte Seixo.

‘Versos noctámbulos’ contén 47 pezas que abranguen temáticas como a poesía cívico-social, o costumismo, o intimismo ou a reivindicación da muller.

Pola súa banda, o grupo Maraxe, integrado por diversos apaixoados do canto tradicional, conta con membros de grupos galegos como Verbas xeitosas, Tombalobos Orquestra ou Os parabéns.

A asociación cultural A Pomba do Arco convida á veciñanza da Mariña a este acto que ten como obxectivo divulgar a cultura galega.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...