Como cada venres, o Xornal da Mariña repasa a axenda de ocio da fin de semana.
BURELA
Pakolas ofrecerá o sábado (18.00 horas, auditorio de Burela) un concerto de rock infantil.
MONDOÑEDO
O sábado, os gañadores do Premio de Poesía Leiras Pulpeiro recibirán os seus agasallos (consistorio de Mondoñedo, 12.00 horas). Ademais, haberá un recital e unha actuación musical.
A PONTENOVA
O vindeiro domingo, 24 de marzo, Adega Lugo organiza unha andaina pola Ruta do Ferrocarril do Eo. Os participantes poderán coñecer o pasado da minería do ferro no antigo concello de Vilaoudriz, na Pontenova.
O VALADOURO
O Mercado da Primavera do Valadouro cumpre a súa décimo terceira edición. Os festexos comezan o venres, desde as 21.00 horas, co pregón de Manuel Lourenzo e a actuación de Miro Casabella. Logo haberá unha noite de rock con Cuarta Xusta e Zënzar.
Para o sábado, na xornada grande, queda o desfile de zocas (11.30 horas) e as actuacións de Susana Seivane ou Ruxe Ruxe, desde a medianoite. Pero hai moitas máis actividades: non as perdas neste enlace, onde podes consultar a programación completa.
O VICEDO
O sábado, ás 19.30 horas, a casa da cultura do Vicedo acollerá a inauguración dunha exposición fotográfica multimedia, con máis de 500 imaxes de fotógrafos de Navia e Viveiro (Os Negativos).
O domingo (19.00 horas), o grupo de teatro da Fundación Eu Son interpretará a peza teatral ‘Un mal día‘.
RIBADEO
O venres (20.00 horas, teatro) segue a celebración do 50 aniversario do colexio Sagrado Corazón cun concerto especial do coro.
Este venres, o CFEA Pedro Murias será a sede dun encontro -en quenda matinal e de tarde- para a creación dun mercado agroalimentario de proximidade na zona do río Eo.
Doce grupos participarán este sábado nos Cantos de Taberna de Ribadeo. Ata 44 bares da vila, Rinlo e A Devesa contarán con animación musical.
VEGADEO
A casa da cultura da Veiga reunirá o sábado (20.00 horas) a mulleres de toda a zona do Eo-Navia para achegar relatos, poemas e cancións de solidaridade coa muller.
Participarán na gala, baixo o lema ‘Callada no estás más guapa‘, Carmen González e Esmeralda Amieva (Navia), Ángeles Lombardía (Castropol), Aurora G. Rivas (San Tirso de Abres), Vita López (Villayón), Eva Rico e Arantxa G. Montell (Vegadeo) e Esther Rubio (Luarca).
VIVEIRO
Dentro da programación cultural previa á Semana Santa de Viveiro, o grupo vogal Sondenós ofrecerá un concerto (venres, 20.30 horas) na igrexa das Concepcionistas.
O sábado, a compañía Contraproducións recreará a obra de teatro ‘Commedia‘, para adultos, que vén de ser distinguida nos premios María Casares. Comezará ás 20.30 horas, no Pastor Díaz.
