InicioCulturaA axenda de ocio: a ópera volve a Burela con 'Carmen'

A axenda de ocio: a ópera volve a Burela con ‘Carmen’

Ribadeo nomeará Fillo Predilecto a Suso Peña e Manolo Gago presentará en Foz a súa novela 'O exército do fume'

Publicada o

- Advertisement -

Como cada venres, o Xornal da Mariña repasa a axenda cultural e de ocio da fin de semana.

BARREIROS

A Deputación de Lugo, en colaboración co Concello de Barreiros, organiza o sábado o concerto Cantar Delas, que repasa pezas dun período de dous séculos -do XVIII ao XX- que contan historias protagonizadas por mulleres. No centro social de San Cosme, ás 19.00 horas.

Barreiros celebrará o día mundial do teatro o domingo co grupo Ardora, que interpretará ‘O silenzo do badal‘ (18.00 horas, centro sociocultural Manuel Díaz Sampedro).

BURELA

Burela acollerá o sábado (20.00 horas, auditorio) unha das dez representacións en España da ópera ‘Carmen’, de Bizet. Quedan unhas 50 entradas dispoñibles -a doce euros- para o espectáculo, que recreará a Ópera Nacional de Moldavia.

Vista Alegre prepárase para a tarde laranxa do vindeiro sábado. Abrirá a xornada o Pescados Rubén Burela FSF, que quere manter o liderado da Liga Foro 16 Feminismo  cunha vitoria no derbi galego ante o Poio Pescamar (17.15 horas).

Lucho presiona a un xogador do Noia. AXM

Ás 20.15 horas comezará o encontro do equipo masculino, que aspira a dar un novo paso adiante cara o ascenso directo á Primeira División. Os de Juanma Marrube mediranse ao Talavera.

CASTROPOL

O sábado, Castropol rende tributo ás mulleres migrantes. Desde as 18.45, na casa da cultura, presentarase o terceiro plan de igualdade de oportunidades entre homes e mulleres.

A partir das 19.30 haberá unha mesa redonda na que intervirán Justa Pérez Vior, Aurea Valcárcel Fernández, Carmen Liliana Garzón Gallardo e Fiorella Pacheco Ugarte.

Batuko Tabanka. AXM

O grupo de mulleres de Cabo Verde afincadas na Mariña Lucense Batuko Tabanka pechará o acto cun concerto a partir das 20.00 horas.

CERVO

Cervo ofrece teatro. O grupo Andanzas de Viveiro representará o sábado (casa da cultura de San Cibrao, 20.00 horas) ‘El caso de la mujer asesinadita‘.

Tamén o sábado, pero pola mañá -de 10.30 a 13.30 horas-, a piscina municipal acollerá bautismos de buceo.

FOZ

O xornalista e escritor Manolo Gago presentará este venres en Foz (Sala Bahía, 20.30 horas) a súa novela ‘O exército de fume’.

O sábado e o domingo celebrarase a terceira edición das xornadas de pesca deportiva de Foz, con actividades prácticas e charlas técnicas.

Xornadas de pesca de Foz. AXM

LOURENZÁ

O venres, o Sindicato Labrego Galego organiza unha xornada aberta -en quenda matinal e de tarde- para afondar en posibilidades para recuperar a agricultura e a soberanía alimentaria da Mariña Lucense.

OUROL

Os Aturuxeiros de Bravos organizan este sábado a súa segunda xuntanza de coches clásicos. Podes consultar aquí o programa.

Xuntanza de coches clásicos de Ourol. AXM

RIBADEO

O sábado, ás 12.00 horas, será o pleno extraordinario no que Suso Peña será nomeado Fillo Predilecto de Ribadeo

Tamén o sábado proxectarase (teatro, 20.00 horas), ‘Vigo 1972‘, de Roi Cagiao, película sobre a folga xeral na cidade olívica. 

A concellería de igualdade de Ribadeo programou para o domingo (auditorio Hernán Naval, 20.00 horas) o espectáculo ‘Anatomía dunha serea‘, da compañía de teatro Chévere. A peza versa sobre a violencia obstétrica.

VIVEIRO

Continúan os actos culturais previos á Semana Santa. O venres, a partir das 20.30 horas na Igrexa de San Francisco, haberá concerto do coro do conservatorio. O sábado, á mesma hora na Igrexa de Santa María, a banda municipal ofrecerá un recital.

O 29 de marzo, venres, celebrarase unha xornada para familias en proceso de separación e divorcio, que ofrecerá Disciplina Positiva A Mariña, de 20.30 a 22.30 horas no consistorio.

XOVE

Saíñas organiza a catorce edición da Festa do Lacón, a partir das 20.30 horas no pavillón. A ración custa nove euros, e haberá discotéca móbil a partir das 23.00.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...