InicioCulturaGermán Paleo gaña o Cervo Respecta de fotografía

Germán Paleo gaña o Cervo Respecta de fotografía

Diego Pérez levou o segundo premio e Antonio Herrera recibiu o galardón Top Cervo

Publicada o

- Advertisement -

Germán Paleo Navarro, coa instantánea Estrelas no Roncadoiro, tomada pola noite no faro de Xove, gañou a oitava edición do certame de fotografía Cervo Respecta, que o Concello organiza cada ano para celebrar o Día do Medio Ambiente e que reuniu nesta edición a 19 persoas, procedentes de distintos puntos de Galicia.

37 IMAXES

Valoráronse no concurso 37 fotografías, 12 das cales retrataron algunha paraxe do municipio. O autor da instantánea gañadora levou unha figura da cerámica de Sargadelos e un vale de 150 euros para empregar en establecementos do concello cervense.

Imaxe gañadora. AXM

Diego Pérez Dopico, coa fotografía ‘O momento‘, realizada no Baleo (Ortigueira), levou o segundo premio, dotado cunha figura de Sargadelos e 75 euros en compras.

Segundo premio. DIEGO PÉREZ

Antonio Herrera Huerta levou o galardón Top Cervo, valorado en 50 euros, por ‘Portelo‘. 

Premio Top Cervo. ANTONIO HERRERA

Participaron na entrega de premios, na sala de exposicións da biblioteca, o alcalde, Alfonso Villares, e a edil de medio ambiente, Manuela Méndez, que destacaron que o Cervo Respecta “é un certame consolidado” que ten como fin “concienciar no respecto ao noso medio ambiente e á nosa natureza, o noso ben máis prezado e máis vulnerable”. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...