Un vídeo sobre Mondoñedo en 360 º competirá no festival Crown Wood International Film Festival, que se celebra en Calculta, na categoría de mellor peza audiovisual de realidade virtual.

‘Mondoñedo 360º Experience Vol. 1’, coescrito por Felipe Debasa e Daniel Dou e producido pola Universidad a Distancia de Madrid, UDIMA, gañou o premio ao mellor proxecto do mes de maio, o que significa que obterá billete para competir polo galardón á mellor obra anual na cidade da India.

PROMOCIÓN TURÍSTICA

O proxecto multidisciplinar ‘The Mondoñedo Valley’ aspira a potenciar a promoción turística municipal a través de mostrar visualmente a súa tradición histórica ou cultural.

Así, no vídeo, que dura uns cinco minutos, pódense contemplar en 360º os atractivos naturais do municipio, como as Covas do Rei Cintolo; históricos e patrimoniais, como a catedral; ou culturais, como as festas ou a súa artesanía.