InicioCulturaA historia detrás da foto do Resu: Álex e o "incrible" público...

A historia detrás da foto do Resu: Álex e o “incrible” público de Viveiro

A instantánea dun mozo en cadeira de rodas levantado polo público do festival durante varios concertos deu a volta ao mundo

Publicada o

- Advertisement -

EFE. O festival Resurrection Fest de Viveiro foi unha das novas musicais máis comentadas da fin de semana en Galicia, aínda que nesta ocasión os concertos tiveron que compartir protagonismo coa imaxe do rioxano Álex, o mozo con discapacidade fotografado mentres desfrutaba de varias das actuacións alzado sobre o público e que se converteu nun fenómeno viral.

Aínda que varios afeccionados captaron a escena cos seus teléfonos móbiles, a imaxe máis difundida foi a tomada por Daniel Cruz, fotógrafo oficial do festival, e que foi compartida con notable éxito nas redes sociais do evento, na que acumula miles de “gústame” e compartidas.

 

Na instantánea pódese ver a Álex sentado na súa cadeira de rodas e levantado sobre as cabezas do resto dos asistentes por unha ducia de persoas durante o concerto da banda sueca Arch Enemy, á que o protagonista anima durante o seu percorrido ata as primeiras filas.

O propio grupo compartiu posteriormente nas redes sociais este momento e referiuse ao público como “incrible” por permitirlle desfrutar a este mozo desta sensación malia a discapacidade que afronta.

 

O xesto repetiuse en varios concertos ao longo de todo o festival, xa que nas redes publicáronse imaxes e vídeos similares doutras actuacións como as de Gojira ou Trivium.

A DECISIÓN, SÚA

Segundo relatou o propio Álex en declaracións á prensa, a decisión de facer ‘crowdsurfing‘ partiu del mesmo, xa que, aínda que existe unha zona adaptada no festival para as persoas con discapacidade, preferiu integrarse dese modo e desfrutar como o resto de asistentes dos concertos.

 

A familia do mozo tamén agradeceu o xesto a través de Twitter, onde deu as grazas “a toda esa xente que fixo que Álex cumprira un soño” e defenderon que “separalo da xente” para desfrutar dos concertos “non é humanidade“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...