InicioCulturaGrupos de Tailandia, Siberia e Serbia actuarán no Festival do Emigrante

Grupos de Tailandia, Siberia e Serbia actuarán no Festival do Emigrante

San Miguel de Reinante xuntará culturas o sábado no evento que organiza Arco da Vella

Publicada o

- Advertisement -

A trixésimo sétima edición do Festival Folclórico Internacional do Emigrante xuntará o sábado en San Miguel de Reinante a grupos de Tailandia, Siberia e Serbia, que actuarán xunto co grupo local Arco da Vella, entidade organizadora do evento en colaboración co Concello.

O VENRES, FOLIADA POPULAR

Os actos comezarán o venres ás 21.30 horas, cunha foliada popular na que a organización convida a participar a todo aquel que o desexe. Enrique Penabad, director da agrupación, confirmou a presenza de Amado Lar, do Valadouro, e de Amigos da Gaita, de Ribadeo.

O sábado será o festival folclórico internacional, desde as 22.00 horas no campo de fútbol de As Valgas. Penabad explicou que “este ano contamos cun grupo de Tailandia, outro de Siberia e outro de Serbia”. O dirixente de Arco da Vella salientou que “unha vez rematen as actuacións haberá unha verbena, na Praza do Souto, con Lecer”.

APRENDIZAXE

A idea do festival é, segundo o director, “traerlle aos espectadores folclore de distintas partes do mundo e de España. Sempre se aprenden cousas vendo a estes grupos, na maneira de vestir, complementos e tipos de instrumentos”, expón.

O alcalde de Barreiros, o popular Alfonso Fuente Parga, animou “a todos os amantes da música e do folclore a achegarse esta fin de semana por San Miguel de Reinante”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...