O Premio Nacional de Artesanía Alfonso Otero Regal inagurará o vindeiro 3 de marzo a exposición ‘Hai mulleres‘ na Casa de Galicia de Madrid, sé da Xunta na capital do Estado.

‘Hai mulleres’, que conxuga 47 obras do ceramista (40 cadros cerámicos e sete esculturas) e textos de colaboradores, é a homenaxe ao xénero feminino do artista viveirense.

A mostra do artista da Mariña Lucense en Madrid abrirase o vindeiro martes ás 19.30 horas, e poderase ver ata o 30 de marzo, en horario matinal (de 10.00 a 14.00 horas) e de tarde (de 16.00 a 20.00 horas). Nos domingos e festivos, será en quenda de mañá (de 10.00 a 14.00 horas).