InicioCulturaO "imperio industrial" do focego Damián López, a debate este venres

O “imperio industrial” do focego Damián López, a debate este venres

A presentación do volume 12 da revista Ardentía servirá para achegarse á figura do empresario de Vilaronte, perfilado nun artigo por Xosé María Leal Bóveda e Xoán Ramón Fernández Pacios

Publicada o

- Advertisement -

Este venres, día 4, na Casa da Cultura Manuel María de Foz, farase a presentación do volume 12 da revista Nova Ardentía. Nela vai un artigo que estuda o imperio industrial de Damián López Ferrería (DALO), autoría dos investigadores Xosé María Leal Bóveda e Xoán Ramón Fernández Pacios. Esta presentación, organizada pola Delegación de Cultura do Concello, terá lugar ás 20.00 horas.

O acto contará coa presenza do alcalde focense, Fran Cajoto, que presentará e moderará o evento, no que participarán dous dos coordinadores da revista, Emilio Ínsua e Francisco Fernández Rei, que darán a coñecer a historia da revista e resumirán os artigos cos que conta este número. A continuación os autores falarán do papel que o imperio industrial de Damián López xogou no mundo conserveiro, tanto a nivel galego como español, da vida e personalidade deste industrial e dos problemas que existen para achegarse a unha investigación rigorosa sobre este tema.

Ao final da presentación pasaranse unha serie de fotografías das industrias de Damián López, reunións deste con amigos, retazos da súa vida íntima e dos barcos da súa propiedade, moitas delas xa coñecidas pero outras non tanto xa que forman parte da colección fotográfica da familia Telenti, que cedeu altruistamente para este evento.

TOCOU O SECTOR PESQUEIRO E CONSERVEIRO E TAMÉN O DA MADEIRA

Neste acto quérese poñer o foco sobre a figura do gran industrial focego do século XX, natural da parroquia de Vilaronte, con fábricas de conservas en Foz, serradoiros en Vilaronte, armador de buques de cabotaxe e barcos de pesca, ademais da súa presenza comercial en Asturias. Antes de rematar a presentación haberá un tempo para preguntas por parte do público e para falar dos seus recordos sobre as industrias de Damián López. O acto é de acceso libre e gratuíto ata cubrir aforamento.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...