InicioCulturaChega o 'Resu' máis agardado dos últimos tempos tras dous anos de...

Chega o ‘Resu’ máis agardado dos últimos tempos tras dous anos de espera por mor da Covid

Viveiro ten o seu sector hoteleiro ao 100% e a ocupación chega a outras localidades da Mariña e a Lugo. A alcaldesa estima un retorno económico de 12 millóns de euros.

Publicada o

- Advertisement -

Tras dous anos de espera por mor da pandemia, os fans do metal, rock e punk están de parabén. Desde este mércores, o Resurrection Fest, o festival máis importante de España no seu xénero, regresa a Viveiro para ofrecer cinco días de música e festa, con máis de 120 bandas divididas en catro escenarios.

O festival arrincará este mércores, cun ‘warm up’ desde as 16,30 horas en dous escenarios, un dedicado aos DJ de Bandeira Negra e outro no que poderán escoitarse Bolu2 Death, Onza, Serrabulho, Bleed From Within, Alien Weaponry, Bullet From my Valentine e Deftones.

Desde o xoves e ata o domingo xa estarán activos os catro escenarios, con música e festa desde as 14,00 horas ata a madrugada. Na primeira xornada, pasarán polo escenario principal Judas Priest, así como Hamlet, Opeth, Sepultura, Spiritbox e Vita Imana; mentres que no escenario ‘Ritual’ poderán oirse bandas como Vomitory, Dark Funeral ou Benighted; e no ‘Chaos’ estarán True Mountains, Misconduct ou Morning Again. No cuarto escenario, ‘Desert’, estarán Me and That Man, Wiegedood ou Me Fritos and Gimme Cheetos, entre outros.

O venres, día 1, será a quenda de Rise Against, Sabaton e Jinjer, así como Caliban, Our Hollow Our Home e Free City, todos desde as 15,30 horas no escenario principal. Polos outros tres escenarios pasarán nomes como Ill Neno, Amenra, Lionheart, Kids of Rage, Seek ‘em All ou Skontra.

FIN DE SEMANA

sábado, o escenario principal acollerá os concertos de Skunk DF, Dagoba, Beyond the Black, Crossfaith, Mastodon e Gojira, mentres que o segundo escenario será para Leaving Mars, Eon, Sound of Silence, Gaerea, Bloodbath e Master Boot Record. No terceiro escenario estarán We Exist Even Death, Grippers, The Broken Horizon, Svalbard, Blowfuse e Moscow Death Brigade; mentres que o cuarto será para Bulls on Parade, Toudra, Planet Of Zeus, The Picturebooks, Wills Drummond, Sharon Stoner e Acidproyect.

Finalmente, o domingo actuarán Korn no escenario principal, que compartirán con Bring me the Horizon, Heaven Shall Burn, Stick to your Guns, Electric Callboy e Deadly Apples. Pola súa banda, o escenario Ritual terá a Mind Driller, Mosh, Bloodhunter, As Everything Unfolds, Infected Rain, Angelus Apatrida e Enforced; mentres que no Chaos subiranse Grima, Golpe Radikal, Ruxe Ruxe, Belvedere, Doyle e Knocked Loose. No escenario Desert actuarán Kaleikia, Elephant Riders, The Dry Mouths, Frutería Toni, Ciclonautas, Phil Campbell e My Sleeping Karma.

OCUPACIÓN AO 100 POR CEN

Ademais de en a zona de festival, o Resurrection Fest colgou o cartel de ‘completo’ en todos os hoteis, pensións e pisos turísticos do Concello de Viveiro, unhas 3.000 prazas que, ata o domingo, coparán os festivaleiros.

Así o confirmou a alcaldesa, María Loureiro, que explicou que este ano é “se cabe máis especial, despois de dous anos de parón” pola pandemia. “O Resu é moi importante para o noso concello, tendo en conta que máis do 50 por cento do emprego pertence ao sector servizos”, subliñou.

A continuación, a rexedora confirmou que “xa estamos completos”: “o luns estaba o parque cheo de tendas de campaña e xa se ve o ambiente orixinario”. Ademais das prazas de Viveiro, a ocupación alcanza aos outros municipios da Mariña e mesmo a Lugo cidade, polo que Loureiro estima que o retorno económico do festival situarase nos 12 millóns de euros.

A alcaldesa aproveitou para asegurar que “parte do éxito deste festival é grazas aos veciños e veciñas de Viveiro, pola súa tolerancia”, xa que “é dos poucos festivais internacionais en que as persoas que van ao festival conviven cos veciños”, presumiu.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...