Conta atrás para a creación dun club de atletismo en Burela

O Concello compromete "o apoio necesario" e anuncia que "en quince días" comezará a definirse a directiva e "os primeiros pasos" da nova entidade

Ramiro Fernández Rey xunto aos responsables da Federación Galega de Atletismo e atletas locais na reunión deste luns

O Concello de Burela apoiará a creación dun club de atletismo no municipio. O concelleiro de Deportes, Ramiro Fernández Rey, anunciou que “en quince días” se creará unha mesa para definir a “directiva” e “os primeiros pasos a dar nese novo proxecto”.

REUNIÓN COA FEDERACIÓN GALEGA

O edil explicou a posición do concello despois de participar nunha reunión con atletas da localidade interesados na iniciativa e mais co presidente e vicepresidente da Federación Galega de AtletismoIsidoro Hornillos e Suso Vázquez Tallón.

Fernández subliñou que o obxectivo do proxecto é  “canalizar” á afección local ao atletismo para que as corredoras e corredores de Burela “non teñan que irse a outros clubs ou a outras localidades da Mariña a practicar este deporte”.

O concelleiro recoñeceu que se trata dunha iniciativa “na que levan traballando desde hai tempo” e comprometeu “todo o apoio necesario” para que a iniciativa saia adiante.

RESPOSTAR

Please enter your comment!
Please enter your name here