Adrián Ben, ouro no campionato de España sub-23 de 1.500

O atleta viveirense acadou un triunfo que lle permitirá competir no Europeo de Gavle

Adrián Ben, á esquerda, no Europeo indoor de Glasgow. EFE

Adrián Ben proclamouse campión de España sub-23 na proba de 1.500 metros lisos do campionato estatal de atletismo disputado en Tarragona.

Nunha proba lenta, con marcas moi por debaixo das habituais das mellores promesas españolas, o corredor de Viveiro parou o cronómetro en catro minutos, un segundo e 21 centésimas.

Ben, que correu para o FC Barcelona, impúxose na recta final a Ignacio Fontes, do Playas de Castellón, que completou o percorido en 4:01.52.

A medalla de bronce foi para Enrique Herreros Roig, tamén do cadro barcelonés, que rematou a proba cun tempo de catro minutos, un segundo e 67 centésimas.

A VINDEIRA CITA, DO 11 AO 14 DE XULLO

A vitoria serviulle ao atleta viveirense para clasificarse para o Europeo de Gavle, en Suecia, que se celebrará do 11 ao 14 de xullo.

RESPOSTAR

Please enter your comment!
Please enter your name here