InicioDeportesO primeiro Rally Mariña Lucense seduce a 72 pilotos

O primeiro Rally Mariña Lucense seduce a 72 pilotos

O percorrido da proba, puntuable para o campionato Galego da especialidade, seduce aos deportistas polos seus emprazamentos

Publicada o

- Advertisement -

Un total de 72 pilotos participará na primeira edición do Rally da Mariña Lucense, que se  disputará o vindeiro sábado nos concellos de Viveiro, Xove, Cervo e O Vicedo.

A carreira, que levará por primeira vez á comarca unha competición do Campionato Galego de Rally, reunirá na súa estrea a, entre outros, Iago Caamaño, Alberto Meira ou o lucense Adrián Díaz.

“ENCHE UN BALEIRO”

O deputado provincial de Deportes, no nacionalista Efrén Castro, subliñou “a boa acollida que a proba tivo entre os pilotos” e amosouse confiado en que “veña para quedarse” no calendario do automobilismo galego e “cubrir un oco que ata agora estaba baleiro na Mariña pese a afección ao motor que hai na comarca, coma no resto da provincia e mesmo Asturias, de onde seguro tamén chegarán siareiros”.

O presidente da escudería Mix Rally Sports, Ignacio Dávila, sinalou que “os pilotos que recoñeceron os tramos quedaron moi satifeitos co percorrido e transmitíronnos azos para seguir apostando por estes emprazamentos noutras edicións”.

Tamén fixo un chamamento a “cumprir as medidas de seguridade e respectar as indicacións dos organizadores da proba”, na que colaboran máis dun cento de efectivos entre axentes das forzas de seguridade e voluntarios.

Ao acto de presentación, asistiron tamén o delegado da Xunta de Galicia en Lugo, José Manuel Balseiro, o presidente da Federación Galega de Automobilismo, Iván Corral, a alcaldesa de Viveiro, María Loureiro, os alcaldes do Vicedo e Xove, Jesús Novo e Demetrio Salgueiro, e o concelleiro de Deportes de Cervo, David Rodríguez.

Balseiro salientou que a incorporación deste rally “vén a consolidar a Galicia como a comunidade que conta con maior presenza destas probas do motor”.

Mapa do percorrido. AXM

PROGRAMA

O Rally da Mariña Lucense comezará o venres coas verificacións técnicas e administrativas que se realizarán nun recinto habilitado no porto de Viveiro a partir das 16.00 horas.

Horarios. AXM

A competición desenvolverase o sábado a partir das 8:00 horas, con tres treitos cronometrados polos concellos do Vicedo, Xove e Cervo polos que realizarán tres pasadas ao longo da xornada.

A entrega de premios será ás 00.00 horas do domingo no parque pechado de Viveiro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...