O Burela FS cóase entre os oito mellores dunha Copa do Rei chea de sorpresas

O Pescados Rubén goleou ao Parrulo (7-1) no debut de Quelle e Renato Rodrigues e avanza nunha competición da que quedaron eliminados Inter Movistar e ElPozo Murcia

Os xogadores do Burela FS celebran un tanto. AXM

EFE. O FS Talavera, de Segunda División, eliminou este martes ao Inter Movistar, campión en 2015, en oitavos de final da Copa do Rei de fútbol sala ao gañarlle por 3-0 mentres que o Jimbee Cartagena logrou o seu billete para cuartos tras deixar na cuneta no derbi rexional a ElPozo Murcia, ao que derrotou por 3-2.

Ademais, pasaron á seguinte rolda o Industrias Santa Coloma, que goleou ao Osasuna Magna (9-2), o Betis tras superar ao BeSoccer CD UMA Antequera (3-2) e o Pescados Rubén Burela, que se desfixo do Parrulo no duelo entre equipos galegos por un contundente 7-1. Matamoros, Luisma, Álex Diz (2), Pope (2) e Renato marcaron os tantos dos locais, mentres que o canteirán do cadro laranxa Hélder anotou o gol do cadro ferrolán. Debutaron os xuvenís Jorge Quelle, recén convocado coa selección española sub-17, e Renato Rodrigues.

A eliminatoria de oitavos de final completarase este mércores cos partidos Atlético MengíbarJaén Paraíso Interior, FS PeñíscolaLevante e Hospitalet BellsportFC Barcelona.

RESPOSTAR

Please enter your comment!
Please enter your name here