InicioDeportesCely Gayardo volve ao Pescados Rubén Burela nove anos despois

Cely Gayardo volve ao Pescados Rubén Burela nove anos despois

A á brasileira, de 31 anos, militou no equipo laranxa na tempada 2011-12, e dende entón tivo unha exitosa carreira en Italia

Publicada o

- Advertisement -

A brasileira Cely Gayardo é a terceira incorporación confirmada polo Pescados Rubén Burela FSF. Tras nove anos, a á regresa ao equipo co que se estreou no fútbol sala español e ao que non perdeu a pista durante este período.

Tras a súa longa traxectoria en Italia e coas vitorias de tres Supercopas, tres Copas e tres Ligas no Calcio a 5, a brasileira regresa a Pescados Rubén FS “con moitas ganas. A miña primeira etapa no equipo foi moi curta. Cheguei a finais de xaneiro e non tiven todo o tempo que me gustaría e que precisaría para adaptarme ao cambio de xogo do Brasil a España”. Por suposto, a xogadora de 31 anos está disposta a chegar todo o máis alto na súa nova etapa na Mariña: “Esta vez, chego a principios de tempada, así que ese tempo vouno ter e agardo chegar canto antes ao meu máximo nivel e poder contribuír para esa etapa gañadora dos últimos anos”.

A pesar da distancia, a xogadora nunca deixou de seguir os pasos do que foi o seu equipo e polo que sente unha gran admiración. “Pescados Rubén Burela FSF é un exemplo de equipo profesional de fútbol sala, é un espello para os demais equipos arredor do mundo”, asegurou.

Confiada en que os títulos chegarían algún día ao equipo, agora a nova 23 laranxa móstrase impaciente por celebrar novas vitorias coas súas compañeiras. “Logo de tanto tempo sen poder xogar e adestrar debido ao Covid-19, non vexo a hora de volver á pista e poder facer o que máis me gusta. Síntome preparada e ilusionada ante este desafio e espero contribuír a que o Pescados Rubén Burela FSF poida seguir coa media de títulos dos últimos anos”.

DOCE XOGADORAS

Cely convértese na terceira novidade do cadro de Julio Delgado e Lucas para 2020-21, xunto á meta cántabra Sandra Buzón e a universal andaluza Elena Aragón. Ademais, continúan JoziCamiBea MateosLara BalseiroPeque, Jenny SantosAle de PazDany e Cris.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...