O Burela FS golea e chega invicto ao duelo contra o Betis

O cadro laranxa bateu ao pechacancelas, o Tenerife, nun partido que dominou de principio a fin

Juanfran. AXM

O Pescados Rubén Burela acadou a terceira vitoria consecutiva. Fíxoo cunha goleada ao pechacancelas da Segunda División, o Tenerife (5-0).

O conxunto burelao suma así once puntos, un menos ca o líder, o Talavera. O equipo mariñao durmiu así na segunda praza da clasificación, á espera do que faga o Betis -que ten dez tantos- este domingo no seu desprazamento a Santiago.

LUCHO, POR PARTIDA DOBRE

Lucho, que anotou por partida dobre, abriu o marcador no minuto 4, o que facilitou as cousas ao cadro que adestra Juanma Marrube. O peche lucense marcou o 2-0 xusto antes do descanso.

No segundo tempo, Juanfran acadou axiña o 3-0 -o segundo tanto nas mesmas xornadas- e os xogadores novos completaron o triunfo: o canteirán Pitero e Porto ampliaron a renda.

VINDEIRA XORNADA

Na vindeira xornada, o cadro burelao afrontará un test de esixencia. Visitará ao Betis (sábado, 19.00, Amate), o equipo que o apeou na pasada campaña na loita polo ascenso.

Un rival que, con xogadores como Cidao, Tobe, Burrito ou Rubén Cornejo, semella chamado a loitar un ano máis por promocionar de categoría.

RESPOSTAR

Please enter your comment!
Please enter your name here