O Pescados Rubén cae eliminado da Copa do Rei fronte ao Magna Gurpea

Os bureleses desaproveitaron no segundo acto unha superioridade numérica e un dobre penalti

Lucho pugna pola pelota co ex xogador do Burela Chino, agora no Magna Gurpea. AXM

O Pescados Rubén Burela FS rematou a súa andaina na Copa do Rei 2018-2019 despois de caer en Vista Alegre fronte ao Magna Gurpea, rival da Liga Nacional de Fútbol Sala (LNFS), a máxima categoría do deporte español.

O duelo comezou equilibrado. Eric Martel anotou o 0-1 no minuto 6 e Renato, nun espléndido momento de cara ao gol, deu unha réplica inmediata para os locais.

Sen embargo, no primeiro cuarto de partido o equipo navarro cobrou vantaxe de novo, cun tanto de Roberto Martil.

Chino, un vello coñecido da afección de Vista Alegre, ampliou a renda dos visitantes a un minuto para o descanso, logo de que Juanfran tivese o 2-2 nunha clara oportunidade.

SEGUNDA METADE

No segundo acto, o Burela non foi quen de aproveitar a inferioridade numérica do Magna Gurpea por dobre amarela de Eric Martel no minuto 24.

Tamén desaproveitaron os locais un dobre penalti, no minuto 38, que puido cambiar o sino da eliminatoria. Renato disparou alto.

RESPOSTAR

Please enter your comment!
Please enter your name here