InicioDeportesPitero e Matamoros desequilibran o derbi de Santiago e o Pescados Rubén...

Pitero e Matamoros desequilibran o derbi de Santiago e o Pescados Rubén afianza o liderado

O canteirán anotou dous goles chave e o pivote madrileño un hat trick para un Burela que saca tres puntos ao seguinte rival polo ascenso

Publicada o

- Advertisement -

O Pescados Rubén segue á fronte da Segunda División despois de levar os tres puntos da pista do Santiago Futsal no derbi galego disputado en Compostela (3-9).

O cadro que adestra Juanma Marrube fica invicto -o único da táboa- trala sétima xornada da competición, que resultou propicia.

O Soliss Talavera caeu fronte ao filial de El Pozo Murcia (2-5) e o Betis perdeu (2-1) na cancha do Manzanares, polo que os bureleses amplían a súa renda a tres puntos sobre o seguinte candidato ao ascenso, o Mengíbar. Ocupa a segunda praza o cadro murciano, sen posibilidade de ascenso.

Os visitantes gobernaron o marcador desde o minuto 6, cun tanto de Porto, e xa non soltaron o mando do encontro. Luisma aumentou a diferenza no electrónico, pero o cadro mariñao encaixou o 1-2 e pasou dificultades ao acumular cinco faltas.

Dous goles case consecutivos ao borde do descanso, obra de Pitero, foron chaves, e Matamoros aínda sumaría o quinto xusto antes do intermedio.

SEGUNDO TEMPO

No segundo tempo, o Santiago chegou a poñerse 3-5, pero a vitoria non perigou grazas a Matamoros, que anotou ao pouco o 3-6.

Porto e Luisma, de novo, e Matamoros, que completou un hat trick, completaron a goleada dun Burela que non pasou apuros nin cando volveu a cargarse de faltas.

VINDEIRA XORNADA

Na vindeira xornada, o Burela FS recibirá ao Manzanares, que vén de dar unha das sorpresas da sétima rolda ao superar ao Betis.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...