Parte do Pescados Rubén Burela FSF de Primeira Feminina continuará confinada trala aparición de dous positivos de Covid-19. Os novos casos confirmáronse nos segundos resultados de PCR realizados aos contactos estreitos da xogadora que deu positivo hai dúas semanas, unha vez cumprido o período de illamento domiciliario.
De acordo ao protocolo marcado polo corpo médico e tras superar os test pertinentes, a dinámica de adestramento do conxunto laranxa recuperouse o mércores pasado para a maioría das futbolistas. Hoxe poderá incorporarse algunha xogadora máis.
A xornada 12, prevista para este sábado en Vista Alegre coa visita do Móstoles FSF, quedará supeditada á resolución do xuíz de competición da RFEF.