A biofábrica de Ence Navia iniciou este martes unha parada técnica anual que se prolongará ata o 30 de outubro, co obxectivo completar un proxecto de ampliación que permitirá aumentar a capacidade de produción da factoría, segundo a empresa, en 80.000 toneladas, para alcanzar as 620.000 toneladas de celulosa ao ano.
Este incremento baséase, argumenta Ence, “na optimización tecnolóxica directa de equipos e sistemas ao longo de todo o proceso, o que permitirá eliminar os actuais pescozos de botella”.
O investimento supera os 113 millóns de euros, dos que unha terceira parte, 35 millóns, destínase a melloras medioambientais. “Neste ámbito”, afirma Ence, “destacan a redución do consumo de auga ou a mellora da calidade do efluente, así como a erradicación de cheiros e a minimización de ruídos. Todo iso débese á aplicación na planta naviega das máis modernas tecnoloxías dispoñibles no sector da produción de pasta de papel”, sostén.
PARTICIPAN 150 EMPRESAS
Para completar todas as actuacións incluídas dentro do proxecto Navia 80, está prevista a participación de 150 empresas e ata 1.200 traballadores de xeito simultáneo. Como en ocasións anteriores, afirma Ence, a compañía deu prioridade a firmas da contorna e de Asturias, ademais de contar para os traballos con marcas internacionais especializadas no sector da celulosa.