InicioEconomíaCervo, premiado por un proxecto contra o despoboamento

Cervo, premiado por un proxecto contra o despoboamento

A Xunta de Galicia outorgaralle 12.500 euros como galardón polas súas medidas para favorecer o tecido empresarial ou a conciliación

Publicada o

- Advertisement -

O Concello de Cervo recibiu o terceiro galardón nos Premios á Dinamización Demográfica, impulsados pola Xunta de Galicia. Canda os municipios ourensáns de Parada de Sil e A Veiga, o municipio da Mariña Lucense foi distinguido por desenvolver un proxecto para asentar poboación e favorecer a economía local.

A Xunta outorgaralle a Cervo 12.500 euros por pór en marcha medidas como a rehabilitación de inmobles, a creación de espazos para novos emprendedores, a organización de encontros de dinamización empresarial, as axudas á escolarización ou bolsas de formación, as actividades de voluntariado cultural ou ferramentas de conciliación. Son todas elas iniciativas dirixidas a favorecer o asentamento de familias neste concello da Mariña.

Un total de 16 municipios galegos presentáranse a estes Premios, para os que a Xunta destinou 77.500 euros. O municipio da Veiga, que quedou en primeira posición, recibiu 40.000 euros, mentres que o de Parada de Sil fíxose con 25.000.

Podes ler a información completa no Galicia Confidencial.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...