Ence pecha contratos de ventas de celulosa para toda a súa capacidade produtiva

A papeleira asinou acordos por un volume de 1.060.000 toneladas para este ano, equivalentes á capacidade produtiva das súas fábricas de Navia e Pontevedra

Planta de Ence en Navia. AXM

EFE. Ence xa ten pechados contratos de ventas de celulosa por un volume de 1.060.000 toneladas para este ano, equivalentes á capacidade de produción das súas fábricas de pasta de papel situadas en Navia e Pontevedra, informou a empresa nun comunicado.

A maior parte dos acordos de venda alcanzados teñen por destino Europa, mercado que, segundo a compañía, ofrece as maiores marxes de vendas e no que Ence ten “fortes vantaxes competitivas loxísticas e de servizo”.

Ence destacou que “o éxito do peche das ventas da firma apóiase na alta calidade da súa celulosa, así como na flexibilidad de produción, que fai posible unha maior adaptación ás necesidades das empresas papeleras”.

SUBA NA BOLSA DO 5%

Con este anuncio, a cotización de Ence en Bolsa deixa atrás as caídas predominantes en 2019 e, polo menos por un día, pasa a liderar as subidas do Ibex. A compañía anótase subas de ata o 5% na sesión deste xoves, un impulso que permite borrar todas as caídas que acumulaba no ano. No pasado exercicio, foi o valor máis castigado de todo o Ibex, con perdas do 33%.

RESPOSTAR

Please enter your comment!
Please enter your name here