O conselleiro de Economía, Emprego e Industria, Francisco Conde, instou o Goberno estatal a “deixar as escusas” e “aprobar” xa o estatuto para as empresas electrointensivas que permita a continuidade dos postos de traballo neste sector.

O titular de Industria pronunciouse deste xeito en resposta a unha pregunta formulada no Parlamento galego pola deputada popular Marta Nóvoa, quen criticou que os grupos da oposición permanezan “calados” ante o atraso da aprobación deste documento, un “agravio” que, segundo indicou, se suma “ao peche da central das Pontes“.

En fronte, o conselleiro asegurou que a situación de Alcoa, que insiste en que a produción de aluminio primario é “inviable” cos actuais prezos da enerxía eléctrica, “especialmente crítica” e lamentou que as medidas trasladadas recentemente polo secretario xeral de Industria á empresa fosen “insuficientes”. Tras iso, Conde criticou que agora o Executivo estatal garde “silencio” e subliñou que Galicia necesita “un marco enerxético estable”. Ademais, lembrou que a política en materia de enerxía é “competencia do Estado”. Toda a información no Galicia Confidencial.