InicioEconomíaAlcoa tentou que non se retransmitise por streaming a vista das cautelares

Alcoa tentou que non se retransmitise por streaming a vista das cautelares

O comité confía en que se aprace a parada de cubas, pero lembra que a solución ao ERE é "política" e urxe a Xunta e Goberno a "decidir se queren facer aluminio primario en España

Publicada o

- Advertisement -

Ramón González Rey/EFEAlcoa solicitou que non se retransmistise en streaming a vista que decidirá sobre as medidas cautelares solicitadas polos sindicatos (CC OO, CIG e UGT) para frear o expediente de regulación de emprego (ERE) presentado pola multinacional na planta de aluminio de San Cibrao, que suporía máis de 900 despedimentos entre a factoría e a industria auxiliar, ademais da parada das cubas de electrólise.

A representación legal da empresa fixo constar a súa “protesta” pola retransmisión en directo, dado que ademais de tratarse dunha vista na que se abordará “información reservada”, a propia emisión por streaming “pode vulnerar dereitos fundamentais dos implicados”.

A Sala do social do Tribunal Superior de Xustiza de Galicia (TSXG) celebra a audiencia sobre a solicitude de medidas cautelares previas 44/20, relativas ao despedimento colectivo na fábrica de Alcoa, situada no municipio de Cervo.

A vista pode seguirse en directo a través da web da Radio Televisión de Galicia (RTVG).

DECLARARÁN TRES EMPREGADOS

No procedemento figuran como demandantes tres sindicatos (CCOO, UGT e CIG) e, como demandados, Aluminio Español S.A. e Alcoa Inespal Coruña S.L..

A Consellería de Economía, Empresa e Innovación e o Ministerio de Industria, Comercio e Turismo interveñen como partes interesadas.

Os sindicatos reclamaron no escrito ao TSXG a intervención ou a administración xudicial dos bens produtivos, asumíndose a intervención e administración da planta de aluminio por parte da Sociedade Estatal de Participacións Industriais (SEPI) durante o tempo que dure o proceso de impugnación do despedimento colectivo e mentres non haxa sentenza xudicial firme.

E de maneira subsidiaria, que se ordene a Alcoa non executar os despedimentos individuais e, en consecuencia, que non proceda a parar a produción de aluminio na fábrica nin as cubas de electrólise.

Na audiencia desta mañá declararán tres empregados da fábrica de aluminio de Cervo, entre eles, o presidente do comité de empresa.

Unha vez expostos os alegatos das partes, o tribunal deliberará e emitirá unha resolución nos próximos días.

OS SINDICATOS: “ESTAMOS FACENDO HISTORIA, PERO O QUE QUEREMOS É SEGUIR TRABALLANDO”

O presidente do comité de empresa, José Antonio Zan, indicou este mércores, antes da vista para pedir a paralización do ERE, que esperan que se conceda a cautelar”, aínda que considerou que a soluciónvén do ámbito político“, non do “xudicial“.

O sindicalista confía en que se aprace a parada de cubas, “polo menos ata que se realice o xuízo que terá que dirimir se o ERE é fraude de lei“.

“A solución non a imos a ter hoxe no xulgado, nin dentro de tres meses. A solución está en dúas Administracións, un que se chama a Xunta de Galicia e outro que se chama Goberno de España. Son os que teñen que decidir si queren facer aluminio primario en España”, enfatizou.

Nesta liña, instou á Administración autonómica que pida “inmediatamente” a intervención de Alcoa San Cibrao e ao Executivo central que realice esa intervención “publicándoa no Boletín Oficial de Estado (BOE) no máis curto prazo posible”.

“Estamos facendo historia“, ha incidido Zan, que asegurou que é a primeira vez que se celebra unha vista para unha cautelar nun tema laboral en España.

Con todo, engadiu que a súa intención “non é facer historia”, senón “seguir traballando” e que lles devolvan” a súa vida, e puntualizou que a cautelar sería “un parche” temporal.

“Reclamamos a paralización dunha decisión unilateral de parada de cubas e despedimentos que xa non tería retorno e abocaría á Mariña lucense á morte”, sentenciou.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...