InicioEconomíaAlcoa insiste en que só ten intención de negociar a venda de...

Alcoa insiste en que só ten intención de negociar a venda de Aluminio

A multinacional enviou ao comité unha proposta que "respecta os puntos consensuados" nas conversas e que condiciona abordar un traspaso "a que a folga se dea por rematada"

Publicada o

- Advertisement -

EFE. Alcoa informou este luns de que lle enviou ao comité de empresa de San Cibrao unha proposta coa que aspira a chegar a un acordo coa representación dos traballadores “canto antes”, no marco da negociación que multinacional e sindicatos manteñen para acordar unhas condicións que permitan abordar a venda das instalacións.

De acordo coa multinacional, esa proposta foi remitida logo de analizar a contraproposta presentada polo comité a finais da semana pasada, na que a representación dos traballadores formulaba a posibilidade de chegar a un acordo para levantar a folga indefinida que mantén desde outubro se a multinacional accedía a negociar, entre outras condicións, a venda das plantas de alúmina e de aluminio que forman o complexo industrial mariñao.

“A empresa enviou ao comité unha proposta que respecta os puntos consensuados nas conversas telemáticas da semana pasada, de forma que se poida alcanzar un acordo canto antes”, informaron hoxe a EFE fontes da propia compañía.

Un acordo, subliñan as mesmas fontes de Alcoa, para “explorar de novo a venda da planta de aluminio primario á Sociedade Estatal de Participacións Industriais (SEPI), para que se dea folga por rematada e o proceso poida desenvolverse nun ambiente de normalidade e paz social“.

A folga comezou o 4 do pasado mes de outubro, días despois de que Alcoa rexeitase ofertas tanto da siderúrxica británica Liberty House como da propia SEPI, e teimase en aplicar na planta de aluminio un Expediente de Regulación de Emprego (ERE) que suporía o peche da electrólise e a perda de máis de 900 empregos entre a factoría e as empresas auxiliares. O despedimento colectivo foi declarado nulo polo Tribunal Superior de Xustiza de Galicia (TSXG). Alcoa decidiu recorrer o fallo ante o Supremo, cun recurso de casación que mantén mentres negocia a fin da folga.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...