InicioEconomíaO sindicatos impugnan o ERE de Alcoa ante o Ministerio de Traballo

O sindicatos impugnan o ERE de Alcoa ante o Ministerio de Traballo

A Xustiza holandesa cita o día 19 aos servizos xurídicos do comité europeo e da multinacional pola demanda interposta polas centrais

Publicada o

- Advertisement -

O comité de empresa de Alcoa Avilés presentou ante o Ministerio de Traballo alegacións ao ERE de extinción presentado pola multinacional do aluminio para as fábricas avilesina e coruñesa.

Os sindicatos entenden que se está a incumprir a normativa e solicitan o levantamento do expediente de regulamento de emprego ata que non se resolvan as cuestións pendentes, tanto no ámbito administrativo coma no xudicial.

Así, a segunda reunión do período de consultas do ERE, celebrada este martes en Madrid, tampouco deparou negociacións.

O comité de empresa da planta da Coruña mantivo a súa postura, anunciada semanas atrás, de non participar no proceso.

DEMANDA DO COMITÉ EUROPEO

Un tribunal de Rotterdam acollerá o luns 19 de novembro unha vista pola demanda interposta contra Alcoa polo comité de empresa europeo da multinacional do aluminio.

Na convocatoria, prevista para as 9.00 horas e á que acudirán representantes legais de Alcoa, o avogado do comité europeo exporá ante a Xustiza holandesa os motivos polos que os sindicatos demandaron á empresa estadounidense.

As centrais consideran que “Alcoa transmitiunos un feito, non unha intención”, e por iso “incumpriu o período de consultas preceptivo, que establece a normativa”, sinala o presidente do comité europeo, José Luis Combarro.

O sindicalista insta á empresa a que “retire o ERE” e abra “vías de diálogo” para atopar unha alternativa ao peche das fábricas de Avilés e A Coruña.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...