EFE. A Asociación Española do Aluminio e Tratamentos de Superficies (AEA), que representa a máis de 600 empresas do sector, manifestou a través dun comunicado “a súa preocupación pola falta de resolución do conflito aberto en Alcoa“, compañía asociada a esta organización, que nestes momentos negocia a venda á sociedade estatal de participacións industriais (SEPI) da fábrica de aluminio primario San Cibrao.
Malia que é “consciente dos momentos de incerteza e reaxustes que se están vivindo” no sector, agravados “como consecuencia da crise sanitaria a raíz do coronavirus“, a AEA insiste en “a importancia da única fábrica de aluminio primario que segue activa no noso país“.
De feito, opina que “a industria como motor económico” debe “saír reforzada trala actual crise sanitaria” e incide en que “é máis necesario que nunca manter a capacidade produtiva de materia prima de aluminio no noso país e os postos de traballo asociados“.
A INDUSTRIA DEBE SER “O MOTOR ECONÓMICO” ANTE A CRISE DA COVID-19
“Nun momento no que quedou patente a necesidade de diversificar as fontes de riqueza do país, a AEA cre que se deben realizar firmes esforzos en favor da industria e a produción en España asegurando a súa irremplazable achega ao PIB”, aclara.
Por iso, aposta pola continuidade “da fábrica e da súa actividade, un obxectivo ao que ao que o sector non pode renunciar e para o que pide o máximo compromiso” por parte “das Administracións públicas”.
A FACTORÍA, “UN FORNEZO MOI VALIOSO” PARA EMPRESAS DE LAMINACIÓN, FUNDICIÓN E EXTRUSIÓN
“Debemos subliñar que as instalacións de San Cibrao son as únicas que fabrican actualmente aluminio primario en España, polo que representan unha fonte de fornezo moi valioso para o resto de empresas do sector que se dedican aos traballos de laminación, fundición e extrusión“, engade.
En España “consúmense anualmente ao redor de medio millón de toneladas de tochos de extrusión, dos que unha gran parte proceden tradicionalmente de San Cibrao”, aclara a AEA, que representa a unhas 600 empresas encadradas neste último subsector -e dan emprego a máis de 8.000 traballadores de forma directa-, dedicadas á fabricación e distribución de produtos extruidos a partir dos denominados tochos de extrusión.
“Con estes datos sobre a mesa, é evidente a importancia destas instalacións para moitas das empresas do sector, e debemos insistir en seguir apostando porque haxa produción nacional de materia prima de aluminio, capaz de garantir un fornezo en calquera circunstancia para poder abastecer á industria do sector de transformación que se dedica á laminación, a extrusión e o moldeo”, sostén a organización sectorial.
O secretario xeral de AEA, Jon de Olabarría, explica que son varios os motivos que conduciron á actual situación, agravada pola crise sanitaria.
“En primeiro lugar, está o feito de que China representa actualmente o 60% da produción mundial. Hai uns anos era importador neto de aluminio primario, pero os enormes investimentos estatais no sector do aluminio proporcionáronlles unha balanza exterior moi favorable, converténdoos en exportadores netos”, explicou.
CRISE DE ALCOA
A crise de Alcoa na Mariña lucense atópase empezou hai case un un ano, e supuxo multitude de mobilizacións por parte dos traballadores e reunións entre a multinacional e as distintas Administracións públicas.
Foi a xustiza a que parou recentemente a intención da compañía de despedir a máis de medio milleiro de empregados -unha medida que afectaría a outros 400 obreiros da industria auxiliar-, ademais de prohibirlle parar as cubas de electrólise.
Tras un acordo entre comité e empresa, foi suspendida a folga iniciada en outubro, e Alcoa comprometeuse a remitir á SEPI unha proposta para venderlle a factoría e que esta poida seguir operativa.
