A Xunta pedirá que se inclúa á Mariña nos Plans de Sustentabilidade Turística en Destino

O obxectivo é reforzar a confianza do viaxeiro e fomentar a comarca como destino seguro tras o impacto da crise do coronavirus.

Visita a Xove do vicepresidente da Xunta. AXM

Xunta solicitará á Secretaría de Estado de Turismo que teña en conta o Plan de Sustentabilidade Turística para a Mariña lucense na convocatoria dos Plans de Sustentabilidade Turística en Destino deste ano. Así, o Goberno galego incluirá o proxecto na nova convocatoria se así o solicita a Mancomunidade de concellos da Mariña lucense.

Así o explicou o vicepresidente, Alfonso Rueda, nunha visita a Xove, onde Turismo de Galicia investiu 30.000 euros na liña de mellora das infraestruturas turísticas no medio rural. Alí, Rueda lembrou que tanto o plan da Mariña lucense como Ourense Termal foron os que obtiveron maior puntuación da Xunta de entre os que non foron seleccionados polo Ministerio de Turismo na convocatoria do ano pasado.

O plan ten en conta a importancia do potencial turístico da Mariña lucense e aposta pola súa transformación cun modelo máis competitivo, innovador e participativo. O obxectivo é reforzar a confianza do viaxeiro e fomentar a comarca como destino seguro tras o impacto da crise do coronavirus.

O proxecto xustifícase na necesidade de pór en valor os recursos das áreas rurais con potencial turístico e de atraer aos visitantes a un espazo que conta con todos os atractivos para a recuperación do sector tras a pandemia.

O Plan de sustentabilidade turística para a Mariña lucense conta cun investimento da Xunta de 1,3 millóns de euros para o próximos tres anos, que representa o 45% do orzamento total. O proxecto estaba incluído na proposta remitida ao Ministerio de Turismo o ano pasado, e atopábase entre o catro con mellor puntuación, xunto con Ourense Termal e os dous aprobados polo Goberno central, que foron os de Santiago de Compostela e Ribeira Sacra.

RESPOSTAR

Please enter your comment!
Please enter your name here