InicioEconomíaA Xunta destaca que a Mariña é unha das comarcas que máis...

A Xunta destaca que a Mariña é unha das comarcas que máis cortas de madeira rexistra de Galicia

O conselleiro do Medio rural visita o Centro de Formación e Experimentación Agroforestal (CFEA) Pedro Murias de Ribadeo no que participa a Asociación de Transformación da Madeira de Lugo e varias empresas da comarca, ofrecendo as súas instalacións para que os alumnos fagan prácticas

Publicada o

- Advertisement -

O conselleiro do Medio Rural, José González, destacou este mércores que a Mariña é unha das comarcas que máis cortas de madeira rexistra de Galicia e destacou a importancia da zona para o sector forestal galego.

O conselleiro acudiu este mércores á comarca da Mariña para comprobar in situ como se desenvolven as prácticas do Grao medio de aproveitamento e conservación do medio natural inaugurado este curso 2020/2021 no Centro de Formación e Experimentación Agroforestal (CFEA) Pedro Murias de Ribadeo.

Ante estudantes e profesores, González resaltou que o sector forestal galego aglutina preto do 50% da madeira de España e máis de 2.000 empresas vinculadas que reclaman persoal cualificado.

Nesa liña, referiuse ao Plan de formación ao agro galego da Xunta como un plan estratéxico de formación agroforestal que materializa unha oferta aberta, flexible e accesible de aprendizaxe permanente que contribúe á profesionalización das explotacións, que fomenta a competitividade das empresas e que favorece a remuda xeracional no rural.

IMPORTANCIA DO CICLO AGROFORESTAL

José González lembrou que este ciclo veu inaugurar o Polo de formación forestal da Mariña, xa que esta iniciativa xa estaba implantada no IES San Rosendo, de Mondoñedo. Este polo de formación -engadiu- chegou para quedar porque este ciclo ten asegurado o seu futuro no curso vindeiro, cando se desenvolverá o segundo ano de contidos teóricos e prácticos que culminarán máis de 2.000 horas de formación desenvolvidas tanto no propio CFEA ribadense como en empresas do sector.

Nesa liña, o conselleiro agradeceu o labor de todas as empresas da Mariña onde estes alumnos fan prácticas ao abeiro deste ciclo, así como á Asociación de Transformación da Madeira de Lugo, que tamén está a colaborar. Ante os alumnos do ciclo, o conselleiro do Medio Rural confiou en que grazas á formación recibida “rematarán plenamente preparados para formar parte de empresas grandes, medianas ou pequenas, tanto públicas como privadas, dedicadas a traballos de repoboación forestal, de restauración e ordenación hidrolóxica forestal e de aproveitamento forestal”.

A visita do conselleiro e do director da Agacal á Mariña lucense concluíu no CFEA Pedro Murias de Ribadeo, onde se presentou o vídeo promocional “O rural que existe e avanza”. Nel participan representantes e exalumnos deste centro, así como produtores e empresas da zona, para poñer de relevo a necesidade de formación para garantir o futuro dos sectores agrario, gandeiro e forestal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...