InicioEconomíaUltimátum dos traballadores de Alcoa; dan de marxe ata ás 14.00 horas...

Ultimátum dos traballadores de Alcoa; dan de marxe ata ás 14.00 horas ou senón irán á foga

O presidente do comité di que é "estraño que o PP vote a favor desa intervención temporal por parte da SEPI e o PSOE se abstivera".

Publicada o

- Advertisement -

O comité de Alcoa en San Cibrao dá un breve prazo, ata as 14,00 horas deste mércores, para enviar unha carta á empresa se quere frear a folga neste centro de produción de aluminio.

“Quedan horas para mandar esa carta”, advertiu o seu presidente, José Antonio Zan, á primeira hora da mañá. “Quero pensar que os políticos aínda serven para algo”, engadiu.  En calquera caso, reiterou que “a responsabilidade”, se teñen que ir a unha folga “e levar a cabo a paralización da produción de aluminio primario en España“, será “do Ministerio de Industria e de Pedro Sánchez”.

Pola súa banda, “serán os clientes os que sufran”, ao deixar de recibir os seus pedidos. “Non entendo por que o ministerio non mandou esa carta”, recriminou Zan. E é que, na súa opinión, “non ten sentido ter a toda a comarca pendente de se ao PSOE apetécelle enviar esa carta”, coa que Industria trasladou que comunicaría a Alcoa a súa dispoñibilidade para triangular a operación de compravenda, isto é, exercer de intermediario a través da SEPI (sociedade estatal de participacións industriais) para que a propiedade pase a ser dun terceiro (neste momento, o principal interesado segue sendo Liberty, segundo o persoal).

Os traballadores non queremos ir á folga, o que queremos é unha solución; pero se temos que ir para forzar ao Goberno, iremos”, incidiu José Antonio Zan.

ACORDO DO CONGRESO

Por outra banda, tachou de “estraño que o PP vote a favor desa intervención temporal por parte da SEPI e o PSOE se abstivera”, nunha votación este martes na comisión de industria do Congreso. En calquera caso, engadiu que a día de hoxe “non se está falando dese proceso –do que se mostra tamén partidario– senón da compravenda nun día único”.

MOBILIZACIÓN O DÍA 28

Por último, avanzou que o día 28 deste mes haberá unha mobilización dos traballadores coincidindo co momento en que se cumpre un ano “desta penuria”. “Levamos un ano de calvario”, lamentou o representante dos traballadores.

AXENCIAS

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...