InicioEconomíaO ultimátum dos traballadores surte efecto: aprazada novamente a folga

O ultimátum dos traballadores surte efecto: aprazada novamente a folga

Aprazada de novo a reactivación da folga en Alcoa Cervo ao enviar por carta o Goberno unha resposta á empresa.

Publicada o

- Advertisement -

O comité de empresa de Alcoa en Cervo aprazou de novo a reactivación da folga no complexo industrial de San Cibrao ao recibir a confirmación de que o Goberno central respondeu á proposta da compañía para a venda da fábrica de aluminio.

O comité recibiu un correo de Alcoa confirmando que o Goberno lle respondeu á última proposta realizada, comprometéndose a convocar unha reunión para este venres 14 de maio na que compartirán co comité o resultado da análise da devandita resposta”, informan os representantes dos traballadores.

Así as cousas, a volta aos paros na factoría da Mariña, que xa fora aprazada hai unha semana, queda de novo suspendida, “á espera de seguir avanzando nas negociacións da venda de Alcoa á SEPI e poder valorar desde o comité o contido da carta”. En concreto, “aprázase a reactivación da folga ata que os traballadores poidan tomar unha decisión sobre a mesma”, de acordo co comunicado do comité.

Pola súa banda, o Executivo central reivindica cumprir “hoxe mesmo” co compromiso adquirido pola titular de Industria, Reyes Maroto, nunha reunión cos representantes dos traballadores o pasado día 4.

“Hoxe mesmo” –é dicir, o día que expiraba o prazo dado polo persoal–, segundo sinalan fontes da Delegación do Goberno, deu resposta a Alcoa por carta, na que traslada a súa postura a favor da “mediación”, pero a súa negativa tanto á intervención como á inmunidade. Esta cláusula, que protexería á multinacional de eventuais reclamacións xudiciais despois da venda, bloqueou as conversacións durante as últimas semanas.

Pola súa banda, as mesmas fontes gobernamentais destacan a mensaxe transmitida este mércores polo delegado do Goberno, José Miñones, de permanecer “sempre á beira traballadores”.

Así mesmo, en declaracións aos xornalistas nun acto en Santiago, apuntou ás competencias da Xunta na defensa da actividade industrial e o emprego, pero engadiu que o “único responsable” da situación é Alcoa. Por último, por parte do Goberno central, reivindicou o compromiso coa industria electrointensiva coa aprobación de “91 millóns máis para axudas”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...