InicioEconomíaOs alcaldes anuncian mobilizacións polo abandono de Altri: "A Mariña volve ser...

Os alcaldes anuncian mobilizacións polo abandono de Altri: “A Mariña volve ser a gran esquecida”

A alcaldesa de Viveiro cargou contra o Goberno galego por non recibir aos rexedores e "deixar de lado" e traizoar esta comarca.

Publicada o

- Advertisement -

A alcaldesa de Viveiro, María Loureiro, anunciou que os alcaldes socialistas da Mariña convocarán mobilizacións pola localización da fábrica de fibra téxtil da compañía portuguesa Altri en Palas de Rei en lugar de en a comarca mariñá.

Tras unha reunión destes alcaldes, Loureiro confirmou que de aí parte a convocatoria de “mobilizacións, tamén mocións e recollida de firmas” contra esta localización na Ulloa. “Temos que saír á rúa e revindicar que A Mariña existe e que non se nos pode tratar así. Tamén o Partido Popular da Mariña ten que dicir algo”, demandou.

A rexedora de Viveiro reivindicou da Xunta de Galicia que se “retome a decisión, que se reúnan cos alcaldes“. “E dígannos as condicións que descoñecemos porque non nos recibiron”, sinalou.

Non se pode xogar coa xente nun tema tan grave como é a industria e o que sufrimos por iso na A Mariña e concretamente Viveiro en que hai uns meses pechouse Vestas con máis de cen traballadores. Ata aquí chegamos, hai que saír á rúa e reclamar o que é noso”, sentenciou.

Loureiro cargou contra o Goberno galego, ao que acusa de “deixar de lado” e traizoar a esta comarca tan castigada coa crise industrial, co peche de Vestas ou co parón de cubas durante dous anos en Alcoa. Seguidamente lembrou que, meses atrás, barallouse que Altri podía instalarse nun dos municipios da Mariña. “E pareceunos unha boa noticia”, afirmou.

“A GRAN ESQUECIDA”

A partir de aí, por parte da Mancomunidade de Municipios da Mariña pedíronse varias reunións a “a Xunta de Galicia, ao conselleiro (de Economía) Paco Conde e ao presidente Alberto Núñez Feijóo”. “E nunca nos recibiron”, afeou.

A Mariña volve ser a gran esquecida. Seguimos sen un plan industrial que é competencia da Xunta. Novamente volvéronnos a traizoar e volvemos estar no último lugar para o goberno galego”, protestou a alcaldesa de Viveiro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...