Alcoa e Greenalia asinan un contrato de enerxía renovable para reiniciar a produción en San Cibrao en 2024

Segundo informaron as dúas compañías, o acordo de compra de enerxía a longo prazo está condicionado ao proceso de autorización dos parques eólicos. A subministración está previso que comece en 2024 e se estenda a 2033.

13/05/2022 Alcoa

Alcoa Corporation e Greenalia anunciaron este xoves a sinatura dun contrato de enerxía renovable para apoiar o rearranque da produción de aluminio primario na fábrica de San Cibrao, en Cervo, previsto para 2024.

Segundo informaron as dúas compañías, o acordo de compra de enerxía a longo prazo está condicionado ao proceso de autorización dos parques eólicos. A subministración está previso que comece en 2024 e se estenda a 2033.

Alcoa explica que como consecuencia “dos prezos exorbitantes” da enerxía, produciuse a parada anunciada en decembro de 2021, tempo no que, engade, trabállase para asegurar acordos de compra de enerxía e realizar melloras para preparar a planta para o reinicio da electrólise prevista en 2024.

“Este contrato de enerxía é un paso moi importante para a viabilidade a longo prazo da planta de aluminio”, manifestou o vicepresidente Global de Enerxía en Alcoa e presidente de Alcoa en España, Álvaro Dorado Baselga, quen engadiu que se está traballando para “cumprir os compromisos cos representantes dos traballadores”, pero advirte de que “o compromiso do Goberno no desenvolvemento do marco enerxético segue sendo vital”.

A previsión é que este acordo proporcione ata 183 megawatts de enerxía en carga basee á planta de aluminio, o que supón o 45 por cento da enerxía requirida para a capacidade máxima da planta de aluminio primario, de 228,000 toneladas ao ano. As condicións de prezo do contrato son confidenciais.

Segundo explica Alcoa, a empresa segue traballando en opcións para o 55 por cento restante das necesidades de electricidade da planta.

FALTA O 55 POR ASINAR

Precisamente, o presidente do comité de empresa, José Antonio Zan, manifestou a súa esperanza de que poidan pecharse esta semana os acordos para a subministración de enerxía, precisamente, con Greenalia (anunciado este xoves), así como citou a Capital Energy. Indicou que finalizaría o prazo este venres, mentres que con Endesa sería o 30 de xuño.

“Todo isto leva uns trámites xurídicos e administrativos. Se finalmente chegan a asinar unha PPA este 20 de maio sería unha boa noticia, xa que aseguraría a operación a longo prazo porque este tipo de parques eólicos son a dez anos e poden ser máis anos“, explicou este sindicalista. Zan tamén confirmou que o próximo 2 de xuño haberá unha nova reunión da comisión de seguimento no Ministerio de Industria.

INVESTIMENTO DE GREENALIA

Para asumir este compromiso, en prazo e cantidade de enerxía a fornecer, Greenalia seleccionou 29 proxectos, todos eles con acceso e conexión en Galicia, cunha capacidade total de 924 megawatts.

As instalacións que darán servizo foron designadas tendo en conta nós de evacuación, “o cal limita o impacto ambiental e os tempos de posta en marcha”. Outro aspecto crave deste acordo é a aposta pola enerxía renovable a través de instalacións implantadas en Galicia, o que se debe a “un compromiso claro por parte de ambas as compañías co territorio e a sustentabilidade”.

Para a posta en marcha destes proxectos, Greenalia prevé un investimento de máis de 1.000 millóns de euros, uns desenvolvementos que mobilizarán máis de 9.400 empregos durante o período de construción.

En palabras do CEO de Greenalia, Manuel García, “a firma deste PPA constitúe un novo fito na traxectoria da compañía, especialmente polo que significa na contribución á mellora da competitividade da industria en Galicia” e, en consecuencia, “para o futuro de tantos postos de traballo”.

Estamos convencidos de que alianzas como esta axudan a achegar solucións a un dos grandes problemas que deben afrontar factorías como a de San Cibrao, o custo da enerxía, e facelo á vez dunha forma sustentable”, destacou.

RESPOSTAR

Please enter your comment!
Please enter your name here