InicioCrean un crowfunding para afrontar os gastos xurídicos contra Estaleiros Gondán na...

Crean un crowfunding para afrontar os gastos xurídicos contra Estaleiros Gondán na ría de Ribadeo

A campaña alerta da expansión de Astilleros Gondán que tivo un “incalculable e arrepiante” impacto na Ría de Ribadeo. Entre os diferentes danos mencionados están as continuas verteduras e dragaxes.

Publicada o

- Advertisement -

Unha campaña de crowfounding na  plataforma GoFoundMe levada adiante por Carlota Miranda, busca apoios para afrontar os gastos derivados do asesoramento xurídico relativo á modificación puntual do PGOU de Castropol. A plataforma busca frear a redacción do PGOU en relación aos Astilleros Gondán, cuxos terreos están xunto á ría de Ribadeo.

A plataforma alerta da expansión da empresa Astilleros Gondán que tivo un “incalculable e arrepiante” impacto na Ría de Ribadeo. Entre os diferentes danos mencionados están as continuas verteduras e dragaxes. Á parte “os ruídos non só afectaron ás aves desta ZEPA senón que tamén fixo danos nos residentes das zonas máis próximas ao Estaleiro”.

Esta campaña contra as modificacións de PGOU de Castropol realízase ante a posibilidade de danos ambientais para a ría. “A Ría de Ribadeo constitúe un ecosistema recoñecido pola Unesco como Reserva da Biosfera en 2007″. Tamén está recoñecida como ZEPA (Zona de Especial Protección de Aves), a máxima figura de protección da Rede Natura 2000. Esta figura de protección pensouse particularmente para as aves que están ameazadas de extinción. Galicia e Asturias comparten a xestión deste espazo natural.

O impacto ambiental das modificacións na ría traería aumento de ruídos, contaminación, movementos de terra, cargas e descargas ou acceso a estradas. Ademais todo iso afectaría as mareas, ás especies protexidas e ás aves. Asociacións como Coordinadora Ecoloxista no Principado e Arco da vella en Galicia xa presentaron alegacións co único obxectivo de frear este proceso e garantir que se cumpran estritamente as limitacións impostas pola rede Natura 2000, declara Carlota Miranda.

Máis información sobre a campaña: https://é. gf.me/v/ c/ gfm/ ra-do- eo-en-perigo-non-ao-cambio-do- pgou

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...