Tres areais do Occidente de Asturias súmanse á Rede Asturiana de Praias sen Fume que impulsa a Consellería de Saúde: Penarronda, en Castropol; e La Ribeiría e Santa Gadea, en Tapia de Casariego,
Nesta iniciativa, que fomenta unha vida libre de tabaco participan xa 14 areais do Principado. O proxecto, que comezou en 2019, é unha proposta non só educativa, senón tamén de concienciación social para promocionar estilos de vida, lecer e turismo saudables que o Principado desenvolve en colaboración cos concellos.
Nas praias sen fume promóvese que non se fume en toda a zona ou en áreas sinalizadas, a excepción os espazos ao aire libre dos locais de hostalaría. A medida contribúe a protexer do fume do tabaco a nenos e adolescentes, dado que a exposición é nociva durante todas as etapas da vida, especialmente nas máis temperás.
Esta iniciativa defende, así mesmo, o respecto polo medio ambiente, xa que as cabichas dos cigarros non son biodegradables e tardan até 10 anos en descomporse. Estímase que un filtro de cigarro provoca a contaminación de oito litros de auga.
