Aínda que a “pandemia está enriba”, o concello de Vegadeo quere volver a activar a súa economía local cunha nova edición da Feira de Mostras que será o epicentro comarcal no fin de semana de xuño, do 11 ao 13.

A intención é facer unha edición en aberto na explanada do recinto feiral e no Parque do Medal. A tradicional Silvallana volve, ademais, cunha feira cabalar, postos comerciais de artesanía, alimentación e oportunidades, tamén as pulperías e hamburgueserías para gozar dunha comida con familia ou amigos e unha exposición de réptiles que fará as delicias dos máis pequenos.

O alcalde de Vegadeo, César Álvarez, destacou en declaracións á Cope que se necesita algunha actividade para impulsar a economía e para “desconxestionar estas cabezas que durante a pandemia sufriron tanto”.