Ribadeo iniciará no pleno do vindeiro martes a tramitación para que o galeón afundido na ría, o San Giacomo de Galizia, sexa declarado Ben de Interese Cultural (Bic).
O buque, que pertenceu á flota de Felipe II e que embarrancou en novembro do 1597, localizouse en 2011 durante un dragado na ría. En xuño de 2018, un equipo especialistas dirixido polo arqueólogo Miguel San Claudio, comezou a excavación do pecio.
Malia estar considerado o buque de guerra español do século XVI mellor preservado do mundo, os investigadores concluíron que se require un seguimento do estado do barco que evite que o xacemento se siga deteriorando.
A declaración como Bic, que se solicita ante a Dirección Xeral de Patrimonio, comprometería á administración autonómica coa conservación do pecio. Neste senso, o alcalde de Ribadeo, Fernando Suárez Barcia, subliñou que “isto non vai contra ninguén, só pretende protexer, valorar e difundir o patrimonio mergullado na ría”.
O prazo para obter a declaración varía en función do tempo que requira a elaboración do expediente. Tras a súa presentación, a Xunta de Galicia dispón de seis meses para ditar unha resolución positiva. O silencio administrativo enténdese en sentido negativo.
PLAN DE IGUALDADE E CONTA XERAL
Outra das propostas sobre a mesa no vindeiro pleno ordinario será o Plan de Igualdade para o período 2019-2022, o terceiro consecutivo, que se someterá á aprobación da corporación municipal.
A alcaldía tamén presentará a Conta Xeral de 2018, que debe remitirse ao Tribunal de Contas e que, segundo adiantou o rexedor